I Xornadas de Historia Local de Lourenzá – Pazo de Tovar

Primeiras xornadas de Historia Local de Lourenzá

O municipio de Lourenzá celebra este o Venres 27 e Sábado 28 as I Xornadas de Historia Local de Lourenzá, coincidindo coa súa feira mensual que se leva a cabo os días 9 e 28 de cada mes.

Estas xornadas están organizadas polo Concello e foron presentadas na propia fortaleza pola alcaldesa, Rocío López; o concelleiro de Cultura, Manuel Arango; a técnico municipal de Cultura, María José López; o dono do Pazo de Tovar, José Ventoso; e o veciño de Lourenzá Miguel Gavín.

Estas xornadas nos remontarán ós inicios que foron dando forma á identidade e á historia de Lourenzá. Moitos dos asistentes recordarán xa ter oído falar aos seus devanceiros dalgún destes acontecementos. Cita a alcaldesa:

“Será como unha viaxe ás orixes, que nos mostrará como naceu, onde viviu e como foi medrando este nen@ que leva por nome Lourenzá”.

I Xornadas de Historia Local de Lourenza

Programa:

Venres 27 a partir das 19:30h:  Inauguración das xornadas por Manuel Arango e a continuación Manuel Román Ramos, veciño de Lourenzá, dará unha conferencia que leva por título Lourenzá: o nacemento dun concello.

Sábado 28 ás 18:30 horas: Conferencia  sobre a Emigración Laurentina a Cuba entre os anos 1880 e 1930 da man de Vidal Martínez-Sierra

Sábado 28 ás 20:00 horas: Conferencia sobre a Crónica Negra Laurentina, impartida por Xoán Ramón Fernández Pacios ó remate das conferencias unha actuación musical do cantautor galego Tino Baz será a encargada de poñer o toque musical á xornada”. A continuación a alcaldesa de Lourenzá procederá a clausura.

Localización Fortaleza de Tovar:  http://www.fortalezadetovar.net/localizacion.html

Máis info premendo aquí.

 

Comments are closed.